1) Atendendo aos grandes números, os resultados do PP no noso país non son nefastos, pero a realidade é que experimentan un importante descenso e non gobernarán en ningunha das sete principais cidades galegas se como é razoábel se xeralizan os acordos PSOE-BNG, malia o feito de que en varias delas, caso de Coruña e Vigo, melloran notábelmente respecto do 2003. En conxunto baixa un 2% a porcentaxe de voto, que se sitúa por debaixo do 40%, e perden uns 250 concelleiros e en consecuencia unha morea de alcaldías. Para Feijoo é un
claro triunfo; éxitos coma ese son os que levan a un partido de vitoria en vitoria até a derrota final.
2) Cunha cifra de votos semellante á do 2003, o BNG acada case setenta concelleiros máis e previsibelmente entrará nos gobernos das cidades máis poboadas; mesmo en Ferrol, onde sofren un espectacular descalabro.
3) A caída do PSOE na Coruña, maior da que todos agardabamos, é unha magnífica cura de humildade para un partido que leva gobernando a cidade de maneira máis ben despótica, en especial durante a etapa/lousa vazquista. Inxusto sería recoñecer os logros das súas seis lexislaturas en solitario; tan inxusto como negar o saudábeis que son os pactos.
4) En Sada, o BNG é a forza que recibiu máis apoios, pasando por riba do franquista confeso
Monchoesmucho; e iso é algo que me alegra especialmente a min, que aínda gardo de recordo aquel
ladrillo pisaconciencias.
5) Cal é o concello máis grande rexido polo PP? Lalín?
¶
