Nin o meu nome son quen de poñer. O trebello este no que pouso os meus dedos decidiu morrer e infelizmente o seu suicidio comezou por un botón decisivo. Por iso é que este xoves pensei tempo e tempo nos contos que fixo un xenio de nome Enrique, no libro mítico de Georges Perec e en moitos outros ruidosos e pirotécnicos exercizos de estilo compostos por homes e mulleres que decidiron impoñerse o curioso reto de prescindiren dun certo signo. O choio consiste simplesmente en ir remexendo entre os termos e voces que coñecemos e construír con eles un texto con sentido completo fuxindo dese único símbolo prohíbido. Pode ser un xogo -non sei se divertido- co que entreter noites de insomnio.
Síntoo: eu nin podo, nin quero. Son conscente dos meus límites e non quero seguir enchendo o blog con posts ocos e prescindíbeis. Hoxe, se mo permiten, opto polo silenzo. Proben onde Vendell, que el sempre ten moito que dicir.
¶
Uf! Seguindo o xogo, non son quen de introducir neste chisme dos comments o meu nome nin o meu correo nin o meu sitio web. Pero quero dicirlle que me molou moito o seu post. Élle ben divertido isto, si. Non sei que outro comentario lle podo dicir, polo que me retiro por non meter o zoco, que o meu trebello ten todos os signos perfectos, incluíndo ese que vostede non pode e Perec non quixo escribir. :)
O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.
