Unha vida tráxica narrada en forma de comedia pola que asoman de cando en cando diversos números musicais, tan bizarros e coloristas como poidan imaxinar: iso é o que nos ofrece Memorias de Matsuko, filme de Tetsuya Nakashima candidato a convertirse nunha das fricadas de culto da tempada. O mellor é a actriz protagonista, Miki Nakatani, que encarna á Matsuko do título na súa permanente busca de amor e en ben variados rexistros: mestra, prostituta, asasina e finalmente muller madura medio tola, abandonada por todos e obsesionada por un absurdo grupo xuvenil. Unha agradábel fábula envenenada que sería bastante mellor se non se empeñase permanentemente en chamar a atención. ¶