O apartado peliculeiro do Extrarradio colle desde mañá unha forma un pouco diferente, pois durante o verán viviremos menos apegados ás estreas de cada semana e dedicaremos o tempo a viaxar cinematograficamente falando polo mundo. O noso primeiro destino será Brasil: repasaremos, coa colaboración como cinéfilo de Xoán Lagares, profesor galego da Universidade de São Paulo, o que se estivo cocendo por aquelas terras durante os últimos anos, desde os máis coñecidos Walter Salles e Fernando Meirelles até o no noso país inédito Jorge Furtado, sen esquecer as fantásticas mostras producidas dentro do xénero do documental. Reservaremos, iso si, un minutiño para lembrar ao director e guionista Juan Pablo Rebella, autor da xenial Whisky, falecido na madrugada do pasado mércores.
¶
Obrigado, Pedro. O caso é que na Galiza apenas houbo estreas de cinema brasileiro nos últimos anos, mesmo despois do éxito de Cidade de Deus; cóntanse cos dedos dunha man, e abofé que sobran dedos: Carandiru, MAdame Satã, e para de contar. Internet xoga máis unha vez ao noso favor, permitíndonos ver moitos filmes que aquí non chegarán nunca.
A semana que vén prometo post sobre cine brasileiro.
O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.
