Inicio > Historias > Mejor blog en otras lenguas constitucionales distintas del castellano
> Mejor blog en otras lenguas constitucionales distintas del castellano <
Eu onte ás 20:39 estaba no CGAI vendo un filme bastante rariño do cineasta thailandés Apichatpong Weerasethakul. A esa mesma hora no Palacio Municipal de Congresos do Campo das Nacións de Madrid anunciaban que días estranhos era o gañador do Premio 20blogs 2005 na categoría de Mejor blog en otras lenguas constitucionales distintas del castellano. E o único intelixente que podo dicir nunha ocasión coma esta é grazas. Muito obrigado polo premio, polos seus parabéns e polo seu apoio. Un premio para o blogmillo que quero e debo compartir con toda a xente que leva anos e anos facendo que Internet fale en galego, naqueles tempos nos que isto das bitácoras non lle interesaba a ninguén e non había encontros nin mesas redondas, nin cousa que se lle pareza. Cando eran maioría os que ollaban para a rede con condescendencia, véndoa simplemente como unha diversión exótica para animaliños modernos. Alégrome moito de que hoxe sexa xustamente a leira Internet un dos espazos nos que a cultura e a sociedade galega se presenta máis vizosa. Alégrome moitísimo de ter gañado o premio, pero sobre todo alégrome moitísimo de que fora unha bitácora feita no noso idioma a primeira vencedora dun galardón convocado polo xornal 20 minutos, o máis lido de España entre os de información xeral.
¶
Muuuitos parabéns, Martin Pawley!!! Estamos na capital pequeno-imperial a redigir a crônica do que foi a festa de ontem. Já lerás, leredes, nas VA-CA NEWS, lerei, lerei.
Parabéns. Vino no 20 minutos esta mañá, camiño do traballo, metido no metro, e unha sensación de ledicia percorreume o corpo e pousouse nel facendo a mañá máis levadeira.
No creo mucho en los premios excepto cuando son merecidos y cuando se los dan a los amigos. En este caso, las dos condiciones se cumplen, así que parabéns Pawley. Y, como siempre, estoy con usted: ¡Que vuelva Erice!
Moitisimos parabéns!
Eu tiña o convencimento de que ía ser você o elixido :)
Un forte abrazo! e podíamos ver de tomar unhas caipirinhas esta semana ou a que ven, que agora é você o que ten algo que celerar ;)
Por certo, no Flickr de wicho hai un feixe de fotos do encontro blogueiro. Aquí está o momento do premio a días estranhos. O que o recolle non son eu, que conste.
Esta vez os concursos acertaron, grandes parabéns dende esta outra provincia galega, en exceso recatada e ás veces demasiado remexida.
Parabéns. Alégrome do recoñecemento.
Zorionak, Pawley!!!
Me acabo de enterar al llegar a casa y merecido lo tienes. Tu blog es toda una referencia (premios aparte) para el resto, estén o no en galego.
Muy buena noticia para mí, por motivos personales. :)
Hehehe... xa levo uns días celebrando o premio. O xoves mesmo empecei a festexalo, e nin unha pinga de cachaça, créame -e iso que estaba rodeado de catarinenses coma você, Pedro. O venres fun á inauguración dun bar do barrio, O Lagar de José, contribuíndo á baleirarlle a despensa grazas á botella e media de Rioja que me bebín eu sozinho. E onte sábado, despois do Extrarradio e de pasear polas instalacións de Xuventude_Galiza_Net, fun comer Cas Yáñez na sempre grata compaña dela mesma e de berto, Cesare, ascárida e dorfun.
E non haberá un premio a secas, leco? Onde vai o meu trofeo? Até entón, velaí vai o vídeo que recolle o momento histórico do anuncio: El premio es para... ¡Días Estranos!
O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.
Eu onte ás 20:39 estaba no 
