Mentres fago outras cousas no ordenador, vexo a cerimonia dos Mestre Mateo. Acaban de darlle o premio á mellor montaxe a Manu Mayo, que non está presente, por As leis de Celavella. No seu nome, Jorge Coira comparte o galardón coa xente que tamén traballou na edición da serie, Marisol e unha tal Iria.
Por razóns que non é preciso explicar (aínda), debo dicirlles que ese galardón alégrame bastante.
¶
De feito, As leis de Celavella levou case todos os premios, incluido o de mellor dirección de produción (nunca entendín ben como se avalía iso vendo o produto final) para Alfonso Blanco e Paula Hernández. Lista completa de premios e nominados, en Vieiros. Concordo con case todo o que di nese artigo a directora, aínda que me alegra, a verdade, que arrase Celavella aínda que só sexa para evitar un triunfo dunha cousa tan penosa como a de Dygra. E o 6,5% de audiencia, quen llo dera a Cuatro, en xeral...
Fagot tamén fai un repaso dos premios, ademáis de que o día anterior fixera unha quiniela (na que apenas acertou nada :p
http://apelidodia.bitacoras.com
O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.
