Decidida xa a data -sábado, 17 de decembro- e a cidade -Santiago- onde celebrar a tradicional xuntanza xantanza do blogmillo, é momento de irmos precisando outros pequenos detalles sen importancia, como o restaurante ao que acudir ou o número de comensais. Lémbrolles tamén que ascárida está elaborando o Censo 2005 de blogs en galego e que estades todos convidados a facer as vosas apostas sobre a cifra exacta de bitácoras na nosa lingua. Ao que máis se achegue habería que regalarlle algo, digo eu. Propoño tres alternativas literarias:
- Un exemplar de número e asinado por Estíbaliz Espinosa, a quen como blogueira que é agardamos no xantar.
Pero O home inédito está xa ao alcance de calquera: é o bo que teñen as editoriais menos gutenberianas. Habería que darlle entón un toque de certa exclusividade, para que pareza un regalo con ghlamour.
E non, Goretti, non teño copia dese libro en PDF (de feito, aínda non teño ese libro). Caso de telo, por suposto, tampouco faría que rulase por aí adiante: era só por provocar ao Monstro do Canon, pero nada, non se deu por aludido.
esa gran novela estamo-la a escrever no blogomillo todos, post a post. é unha novela coral, polifónica, que intercala diferentes voces narrativas.
non cren?
Lamentándoo infindo non podo asistir sendo xantanza (a menos que sexa un xantar pola hora portuguesa ;-). Unha cea valeríame de calquera xeito. Aponto 555 blogues (espero ser así o que dispara máis alto). Que teñades un bo encontro.
E que hai do restaurante? Que sexa céntrico cando menos para non ter que usar coches, que sempre é un coñazo. Pouco podo axudar nese sentido, pero lembro que o San Clemente e o Trinidad tiñan capacidade e non estaban mal.
A miña idea é ir, Pawley; do único que depende é do tempo, porque se hai temporal non collo o coche para nada.
E que se animen os que viven alí para propoñer sitios.
Grazas polo convite...Mmm. Non creo que poida ir, pero mágoa, porque tiña ganas. Non teño nin idea do número de blogs, pero sería moi cabalístico que foran, quéseieu, 777. O que é seguro é que non son o número e.
Ah,e por favor, deixade de poñer cousas que me ruborizan. Son un ser tímido
Para desquitarme do feito de non poder acudir á xantanza veño de realizar o meu contributo ao debate sobre o nº de blos cun recenseamento particolare. Podedes velo no meu blo. Mirámonos.
Precisando que só inclúo vivos, e escritos en galego-/-portugués, e tendo en conta que no mapa de google que fixen xa coloquei a 129 deles -o mapa dispoñíbel en http://www.lantania.com/mapa/blogaliza.php
- eu calculo que alonxándome de Trántor ;-) nos aneis externos da blogalaxia ha de haber 50-60 máis; total que eu digo: 143.
Que un número que dá sorte!
O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.
