Mañá, 26 de xuño, é o Día Mundial contra a Tortura. Amnistía Internacional emprendeu este ano unha curiosa campaña baixo o lema Un grito puede acabar con mil gritos de dolor na cal convida aos cidadáns a gravar mensaxes contra a tortura que quedan logo colgados da páxina web. Tamén recollen sinaturas para sumarse a unha carta desta vez dirixida a George Bush coa cal amosar a preocupación ante as torturas e os malos tratos que según diferentes informes se produciron en Irak, Afganistán e na base de Guantánamo en Cuba.

Outra convocatoria grande para o domingo é a da acción mundial contra a pobreza. Centos de organizaciones non gubernamentais españolas uníronse na campaña "Pobreza Cero" lanzada pola Coordinadora de ONGD para pedir aos líderes mundiais que cumplan as súas promesas para acabar coa pobreza. Para mañá hai convocadas por esta razón moitas concentracións e manifestacións en todo o mundo, a poucos días de que empece en Edimburgo (Escocia) o cumio do G-8 que reúne aos países máis ricos do planeta. En Santiago de Compostela a concentración terá lugar na Praza do Toural a partir das once da mañá; unha hora mais tarde a actriz Mónica Díaz, membro de Burla Negra, fará a leitura do manifesto.

E un pouco mais tarde, na Alameda, a cadea humana, xa saben. ¶