caderno dun rencoroso enfermo de cinefilia
Inicio > Historias > Iria
> Iria <

21 de Xaneiro do 2003

O teléfono soou de madrugada, pouco despois das seis. A esas horas, os teléfonos nunca son un bo presaxio. Pensamos que as boas noticias sempre poden esperar, e que as únicas razóns para partir en dous a noite son esas que nunca desexaríamos coñecer. O sonido dun teléfono na madrugada deixa o tempo conxelado, e no medio do silencio urbano un acaba tendo a sensación de que a cidade enteira espertou ao mesmo tempo ca nós, e que todos teñen, coma nós, o corazón encollido.

India Romeo India Alfa. No código do mar. No código dun mar ferido e asfaltado.

A diario, a esperanza toma corpo de recén nacido. Coma un folio en branco, expectante, que pode albergalo todo aínda, pero que ao mesmo tempo é o herdeiro de todo canto antes se escribiu. Vida nova, beleza pura e esperanza, os maiores actos de rebelión posíbeis nun mundo necesitado deles.

O teléfono soou de madrugada, pero hai días no que sabes o que che van dicir sen necesidade de descolgar. Sabes que che van dicir que acaba de nacer. E que está ben. De feito, sabíalo xa antes de que soase o teléfono. Xuraría ter espertado antes de que se oíse o primeiro ring.

Iria, a miña sobriña, ten xa dúas horas de vida. Hai días, en verdade, en que a un non lle peta nada falar do chapapote.

2003-07-21, 09:14 | 3 comentarios

Referencias (TrackBacks)

URL de trackback de esta historia http://pawley.blogalia.com//trackbacks/9992

Comentarios

1
De: Jaio la espía Fecha: 2003-07-21 16:46

¡Enhorabuena, Martin!



2
De: EMF Fecha: 2003-07-21 18:05

Felicidades, tio :-)

Agardo que ela só vexa o noso mar manchado de chaPPaPPote por unhas fotos do ano en que naceu.



3
De: Ender Fecha: 2003-07-21 21:59

Parabéns Martin!



Nombre
Correo-e
URL
Dirección IP: 54.227.126.69 (ca58b4fcd4)
Comentario
¿Cuánto es: mil + uno?









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley