> Algúns filmes importantes que poderían estar en Cineuropa (e que seguramente non estarán) < La question humaine, de Nicholas Klotz (Francia, 2007). Distribúe Intermedio. El cant dels ocells, de Albert Serra (España, 2008). Distribúe Sagrera. Liverpool, de Lisandro Alonso (Arxentina-España, 2008). Distribúe Sagrera. Un conte de Noel, de Arnaud Desplechin (Francia, 2008). Distribúe Alta Films. Tokyo Sonata, de Kiyoshi Kurosawa (Xapón, 2008). Distribúe Baditri. ¶ 2008-10-29, 22:02 | 2 comentarios

URL de trackback de esta historia http://pawley.blogalia.com//trackbacks/60258

1

De: miguel Fecha: 2008-10-31 19:35

Semella que Liverpool e El cant dels ocells van a Xixón, polo que, especialmente no primeiro caso, sería difíl de traer a Compostela. A de Klotz non sei cando é a estrea. E a de Desplechin supoño que marchará para Las Palmas, rival moi duro para Cineuropa. Pero en fin, tes razón, é unha mágoa que non teñamos eses filmes. Ningún (deixando Un conte de Noel que non vin) chistoume moito: Serra baixa o nivel desde Honor de cavallería e a de Lisandro está ben, aínda que lonxe da súa extraordinaria Los muertos (claro que é imposible filmar de novo un filme así). A de Klotz... ten grandes ideas, é moi ambiciosa, pero creo que non acada todo o que propón, prégase demasiado ao cinema de autor máis clásico na miña opinión.

2

De: Martin Pawley Fecha: 2008-10-31 21:15

Xustamente, o feito de que vaian a Xixón é unha garantía de que é posíbel programalas en Cineuropa, no caso da de Lisandro, que vai a competición, despois da súa proxección en Asturias. Hai outros filmes que se verán en Santiago que pasarán antes por Xixón, caso de Valse con Bassir. A película de Nicholas Klotz estréase a mediados de novembro, así que sería unha estupenda candidata para os primeiros días de Cineuropa. Da de Desplechin non teño noticias, só que está comprada por Alta Films. Eu desas catro só vin dúas, a de Serra, que me gusta moitísimo (non sabería dicir se máis ou menos que Honor de cavalleria), e a de Nicholas Klotz, que me parece un filme apabullante, quizá demasiado para asimilalo á primeira. O Festival de Las Palmas vaille dedicar retrospectiva á parella Nicholas Klotz-Elizabeth Perceval o ano que vén (os outros ciclos son os dedicados a Cao Guimaraes, Craig Baldwin, Mariano Llinás, o cinema arxentino 1999/2009, Paulino Viota...)