Detroit, Lift Up Your Weary Head! (Rebuild! Restore! Reconsider!). Foi esta canción do disco Greetings from Michigan a que me fixo comprender que Sufjan Stevens era un músico de talento insultante. Logo descubrín Seven swans, un disco de esterrecedora e lánguida beleza, e despois a segunda entrega do seu "proxecto dos 50 estados", Illinois, onde aparece Jacksonville, unha espectacular demostración de grandeza que levo escoitado centos e centos de veces.



As de Sufjan Stevens son composicións cun alto grao de complexidade e sofisticación, así que non tiña claro que tal soarían ao vivo, mais como poden ver e escoitar, quedan xenial. A peza máis coñecida dese disco é sen dúbida Chicago, que mesmo aparecía na banda sonora do filme Little Miss Sunshine, e que aquí serve para pechar un concerto abraiante.


¶