Que como ben saben non é unha feira: é un feirón. Desde hoxe, e durante dez días, nos Xardíns de Méndez Núñez, coma sempre en harmonioso convivio coa feira de artesanía e a de Casas Rexionais. Eu irei de visita a miúdo e contareilles algo aquí no blog, para non perder o costume, mais este ano estarei tamén do outro lado da barreira: o luns 4 presentando o magnífico libro de Marcos S. Calveiro Festina lente, e o domingo 10, día da clausura, ocupando a caseta de secretaría con libros científicos e convidando á xente logo pola noite a mirar ao ceo nunha sesión de astronomía urbana coa cal despedir a feira até o ano que vén. ¶