caderno dun rencoroso enfermo de cinefilia
Inicio > Historias > Cinema no Fórum: sorrisos europeos
> Cinema no Fórum: sorrisos europeos <

“A comedia é simplemente unha maneira divertida de ser serio”. Atribúeselle esta frase ao actor Peter Ustinov, que describía dese xeito conciso a forza dun xénero que desde sempre serviu para expresar grandes verdades. O humor esnaquiza as nosas barreiras intelectuais e dilúe os nosos prexuízos, até deixarnos dispostos para calquera cousa, impulsados pola enerxía alegre e liberadora dun sorriso. Mellor aínda en boa compaña: poucas cousas unen tanto como unhas boas gargalladas compartidas.



O paro e o problema da vivenda asoman ao fondo de Un buen día lo tiene cualquiera, de Santiago Lorenzo, revisión da comedia social clásica que camiña unha e outra vez cara o esperpento. 12:08, ao leste de Bucarest, de Corneliu Porumboiu, recibiu a Cámara de Ouro no Festival de Cannes de 2006, un importante paso na recuperación da cinematografía romena, que o ano anterior coñecera o éxito da sublime A morte do señor Lazarescu (Cristi Puiu, 2005) e máis recentemente o espectacular triunfo internacional de Catro meses, tres semanas e dous días (Cristian Mungiu, 2007). A excelente película de Porumboiu explora de maneira traxicómica a Rumanía actual a través de dous cidadáns que acoden a un debate na televisión para falar da caída de Ceaucescu, acontecemento que afirman ter vivido en primeira liña; o problema vén cando os espectadores empezan a chamar para daren unha versión dos feitos moi distinta.

O filme Pasqualino Settebellezze converteu a Lina Wertmuller na primeira muller en obter unha candidatura ao Oscar na categoría de mellor dirección. En Ferdinando e Carolina retrocede á luxosa corte napolitana do século XVIII para espiar as intimidades do matrimonio de conveniencia entre María Carolina de Austria e Fernando I de Borbón, pola mesma época na que Laurence Sterne publicaba a célebre The Life and Opinions of Tristram Shandy, Gentleman. Unha novela inadaptábel da que se vale Michael Winterbottom para reflexionar sobre o cinema e o seus profesionais na divertidísima A cock and bull story, protagonizada con lúcida ironía por un Steve Coogan en verdadeiro estado de graza.

ciclo "sorrisos europeos"

8, 9 e 10 de maio: Un buen día lo tiene cualquiera (Santiago Lorenzo, 2007)
15, 16 e 17 de maio: A fost sau n-a fost (12:08 ao leste de Bucarest) (Corneliu Porumboiu, 2006)
22, 23 e 24 de maio: Ferdinando e Carolina (Lina Wertmuller, 1999)
29, 30 e 31 de maio: A cock and bull story (Michael Winterbotton, 2005)

Sala Fernando Rey (Fórum Metropolitano, r/Río de Monelos s/n, Parque Europa, A Coruña). Horarios: xoves, 20:30; venres, 20:30 e 23:00; sábado, 17:30 e 20:30. Entradas: 3 euros (carné xove e maiores de 65 anos, 2 euros). Abono 5 películas: 12 euros. Venda na billeteira: media hora antes de cada sesión. Venda antecipada: no ambigú do Fórum, de luns a venres de 10:30 a 13:30 e de 16:30 a 19:30; na Praza de Ourense, de luns a xoves de 9:30 a 13 e de 16:30 a 19:30, venres de 9:30 a 13.

dos arquivos estranhos: cinema no fórum: adaptacións literarias

2008-05-14, 22:10 | 1 comentarios

Referencias (TrackBacks)

URL de trackback de esta historia http://pawley.blogalia.com//trackbacks/57394

Comentarios

1
De: Mumbai Escorts Fecha: 2019-03-31 07:57

Mumbai Escorts
Goa Escorts
Mumbai call girls
Mumbai Escorts
mira road escorts
coimbatore escorts
rajkot escorts services
goa escorts services
mire road escorts
andheri escorts
andheri escorts services
roku remote not working
mcafee.com/activate
escorts web development company
web development company in india
download McAfee Antivirus
Download free php projects
activate ESPN on Roku
classified website without registration



Nombre
Correo-e
URL
Dirección IP: 18.234.236.14 (70cbcc3bbd)
Comentario
¿Cuánto es: diez mil + uno?

os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley