A semana pasada
morreu aos 84 anos de idade o actor senegalés
Makhouredia Gueye, protagonista do filme de Ousmane Sembène
Mandabi. Na espléndida adaptación da novela
O xiro postal Makuredia Guey (así aparece nos créditos) encarnaba a Ibrahim Dieng, que ao longo da película intentaba cobrar infrutuosamente un xiro que lle mandaba o seu sobriño desde París. Nos minutos iniciais o seu personaxe sometíase a un completo afeitado.
Makuredia Guey participou noutro traballo
do pai do cinema africano:
Xala, sátira da corrupción e o comportamento da burguesía aparecida trala descolonización.
Como Mamadou Mahourédia Gueye aparecía acreditado na versión da obra de Dürrenmatt
A visita da vella dama que rodou en 1992 o gran Djibril Diop Mambèty,
Hyènes, na que encarnaba ao alcalde.
¶
