Faleilles hai unhas semanas no blog do cantante e compositor portugués David Fonseca, cuxo último disco, Dreams in colour, é un dos que máis está soando no reprodutor de música do meu PC. Hoxe quero salientar o magnífico uso que o músico fai de Internet, e que o converte nun exemplo a imitar. David Fonseca ten unha web e unha páxina en MySpace, cousas ben habituais, mais a iso hai que sumarlle un canal en YouTube e un blog con verdadeira forma de blog, con actualizacións frecuentes e posts nos que se fala non só das súas xiras e concertos, senón tamén dos filmes que ve ou das series que lle gustan. Miren que maneira tan boa ten de promocionar o seu concerto no Coliseu de Lisboa o vindeiro 12 de abril:



Mágoa que non fose un pouco máis tarde, aí canda o IndieLisboa.




2008-02-20, 11:59 | 0 comentarios