caderno dun rencoroso enfermo de cinefilia
Inicio > Historias > Os diálogos coa arte de Yves Saint Laurent
> Os diálogos coa arte de Yves Saint Laurent <

Onte pola mañá achegueime á sede da Fundación Caixa Galicia na Coruña para asistir á rolda de prensa na que se presentou a exposición Yves Saint Laurent, diálogos coa arte, organizada en colaboración coa Fundación Pierre Bergé-Yves Saint Laurent. A exposición explora e demostra as estreitas relacións entre as creacións do mestre da moda e algunhas grandes obras de arte, fundamentalmente das vangardas do século XX, aínda que tamén haxa traxes que evocan a Francisco de Goya ou a arte africana, estes últimos na miña opinión os máis espectaculares.


Figura feminina de esposa do outro mundo. Costa de Marfil, cultura baoulé. S. d.



Vestido de noite curto bambara. Yves Saint Laurent, primavera-verán 1967
© Alexandre Guirkinger


Os pintores cubistas foron unha das fontes principais de inspiración para Saint Laurent. Na exposición podemos comprobar as relecturas que o deseñador fixo de George Braque e Pablo Picasso.


"Pichet, pommes, raisin et verre", George BRAQUE, 1924. Colección particular, cortesía da Galería Guillermo de Osma, Madrid.


Conxunto de noite longo, homenaxe a Georges Braque. Yves Saint Laurent, primavera-verán 1988 © Alexandre Guirkinger.


"Profil à la fenêtre", Pablo Picasso, 1934. Colección Caixa Galicia.



Vestido de noite longo, homenaxe a Pablo Picasso. Yves Saint Laurent, outono-inverno 1979 © Alexandre Guirkinger.

Centos de horas de traballo manual foron precisos para confeccionar as chaquetas que imitan o estilo de Van Gogh e o de Pierre Bonnard, pintor e litógrafo francés que transita entre o impresionismo e as novas tendencias que agroman a comezos do século XX.


"Reine Natanson et Marthe Bonnard au corsage rouge", Pierre Bonnard, 1928. Legs. Mme. Thadée Natanson, 1954, Centre Pompidou. Musée National d’Art Moderne / Centre de Création Industrielle.


Chaqueta de noite, homenaxe a Pierre Bonnard. Yves Saint Laurent, outono-inverno 1988 © Alexandre Guirkinger.


Yves Saint Laurent tamén reparou nos seus contemporáneos. A arte pop de Andy Warhol, Roy Lichtenstein e Tom Wesselmann, ou a abstracción de Serge Poliakoff, reconvertida en traxe de noite elaborado en la Racine.


"Composition abstraite", Serge Poliakoff, 1960. Óleo sobre tela. Colección Alexis Poliakoff.



Vestido de cóctel, homenaxe a Serge Poliakoff. Yves Saint Laurent, outono-inverno 1965 © Alexandre Guirkinger



"Desnudo nº 1", Tom Wesselmann, 1970. Museo Thyssen-Bornemisza, Madrid.


Vestido de noite longo, homenaxe a Tom Wesselmann. Yves Saint Laurent, outono-inverno 1966 © Alexandre Guirkinger


Sen dúbida, un dos diálogos máis estimulantes que recolle a mostra é o que se establece entre as composicións xeométricas de Piet Mondrian e os vestidos de cóctel de liñas rectas e cores rechamantes.


"Composition", Piet Mondrian, 1921. Collection Yves Saint Laurent et Pierre Bergé.



Vestido de cóctel, homenaxe a Piet Mondrian. Yves Saint Laurent, outono-inverno 1965 © Alexandre Guirkinger.

A exposición inaugúrase oficialmente hoxe e estará aberta até o 29 de abril, de luns a venres de doce a dúas pola mañá, e de catro a nove pola tarde, e os sábados, domingos e festivos en horario continuo de 12 a 21 horas.

2008-02-12, 15:51 | 0 comentarios

Referencias (TrackBacks)

URL de trackback de esta historia http://pawley.blogalia.com//trackbacks/55538

Comentarios

Nombre
Correo-e
URL
Dirección IP: 54.225.16.10 (f23115c6d6)
Comentario
¿Cuánto es: mil + uno?









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley