Das cinco candidatas ao Oscar á mellor película Juno (Jason Reitman, 2007) é a única que superou xa os cen milĺóns de dólares de recadación. Os premios vainos levar a dos Coen, que tampouco é para tirar foguetes, pero nas billeteiras quen manda é esta comedia con adolescente lista e de verbo fácil -unha especie de Lisa Simpson respondona- cuxa vida cambia cando descobre que vai ter un bebé. Fuxindo de intencións sermoneadoras, o filme acaba por caer nunha certa frivolidade á hora de tocar asuntos espinosos como o embarazo adolescente e as adopcións, reforzada pola actitude algo resabida da protagonista, que non solta unha soa frase que non pareza escrita por un guionista de telecomedias. Simpática, si, mais tamén completamente irrelevante. ¶