Seguramente moitos descoñezan que o medallista olímpico e actor Johnny Weismuller naceu en territorio austrohúngaro, segundo algunhas fontes na vila de Párdány, hoxe Međa, na actual Serbia. A súa familia emigrou aos Estados Unidos cando el apenas tiña sete meses, así que do bebé János Weißmüller pouco debía quedar cando se convertiu nunha celebridade da natación e máis adiante do cinema, a conta dos filmes de Tarzán. En calquera caso, parece que os políticos do seu concello natal están moi orgullosos de que unha estrela de Hollywood botase alí os seus primeiros choros: o camarada Syldaвija acaba de contarme que lle cambiaron o nome da praza principal da vila, antes dedicada ao Mariscal Tito, polo de Johnny Weismuller, para ademais colocaren unha estatua del como reclamo turístico. ¶