Vai unha noite estupenda aquí no Corralón Manchego. Agora ando xusto de tempo, pois aínda que sono non teño mañá hai que se erguer cedo e non debera trasnoitar facendo uso do PC do hotel, grazas ao cal estou posteando no blog e falando con opaco -que raro se me fai empregar Windows, por certo. Pero xa que me puxen voulles dicir dúas cousas: a primeira, que deben subscribirse canto antes á Revista Bloc, cuxo fermosísimo número cero foi presentado onte nun acto que culminou coa palabra sabia d'O Mestre, un dos responsábeis da publicación. A segunda, que levei unha alegría grande, pero grande grande, ao atopar entre os asistentes ao amigo Ignacio Chao, con quen sempre dá gusto falar, e cuxas moitas virtudes poden resumirse nunha soa: é unha boa persoa. Boísima. Así de sinxelo. ¶