Hai posts que non precisan apenas redacción: basta con poñerlles un título descritivo. O concerto de onte estivo moi ben (se queren facerse unha idea aproximada, poden botarlle un ollo a estes vídeos), pero foi moitísimo mellor aínda compartir varias horas co artista na compaña da nai de Darío e da man dos pais dos pelachos, que lle fixeron unha interesantísima entrevista (agarden uns días para vela n'O levantador de minas). Durante a longa e feliz conversa asoman os nomes de Charles Dickens e de Juan Rulfo, de Nusrat Fateh Ali Khan e de Bob Dylan; alá pola madrugada mesmo acabamos por falar das representacións do ben e o mal. Culto e amábel, sinxelo e encantador, Auserón deixounos a todos unha impresión gratísima. Como non me vai caer ben un home ao que lle encantaCharles Mingus?
¶
... e falamos da literatura...y (sigo en castelán, que aun no llego a tanto, uf) y "pa colmo" conocí mejor al Mingus y me entraron ganas de saber más de jazz y música cubana...etc, etc, etc, etc...Una pasada de concierto-noche, de Santiagos (city y Auseron) y de compañía de la buena, con la que una crece...(y de cenaaaa, ja).
bsos
Eu non sei que dicir despois daquela noite. Só que no domingo me quedei absorto cunha mensaxe posíbel para empresarios e políticos: "Non hai riqueza material sen riqueza mental, e non hai riqueza mental sen riqueza artística".
Non sei se me entendedes...
O sistema de comentarios está á disposición dos leitores de "días estranhos" exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.
(texto copiado hai anos do Carta aberta, que á súa vez llo agradecía ao Inagaki)
