caderno dun rencoroso enfermo de cinefilia
Inicio > Historias > Metrópolis, novo programa na RDP África
> Metrópolis, novo programa na RDP África <

No seu momento non cheguei a dicir no blog nada do meu paso polo IndieLisboa; si deixei uns cantos chíos. O certo é que a experiencia foi magnífica, tanto que non vou ter máis remedio que repetir a visita o ano que vén. A programación é moi completa, e o que non chegas a ver nas salas de cinema -os horarios de proxección non dan moito xogo- podes recuperalo logo na videoteca, onde tes acceso non xa ao que se exhibe no certame, senón literalmente a cantos filmes foron presentados a selección. Alén diso, a xente da organización é tan entusiasta, eficiente e amábel que é imposíbel non sentirse a gusto en todo momento, lonxe do elitismo e os desprezos que se estilan noutras latitudes. Boas películas e boa xente: que máis podo pedir?

Naquelas xornadas lisboetas houbo tempo para felices encontros e para novas amizades; para pasar por unha discoteca con dono ilustre, alternar de madrugada nun ignoto local caboverdiano e mesmo para beber vinho verde e disfrutar dos fados ao vivo, facendo de turista típico por unha noite. Tamén houbo horas para compartilas cos amigos, coma o Rogério Gomes e aqueles que con el viñan, amigos meus tamén en consecuencia. Ao bo do Rogério estíveno escoitando hai un pedazo; estreaba programa na RDP África, Metrópolis, dedicado á música portuguesa. Todas as quintas feiras, ás 23 horas, medianoite na Galiza, nestas frecuencias para os que vivan en Portugal, Cabo Verde, Guiné-Bissau, Moçambique e São Tomé e Príncipe, ou en emisión online, que evidentemente é o meu caso. O programa, quase não é preciso dizê-lo, é estupendo. E aceitam-se pedidos, disque.

2007-10-19, 03:08 | 0 comentarios

Referencias (TrackBacks)

URL de trackback de esta historia http://pawley.blogalia.com//trackbacks/52896

Comentarios

Nombre
Correo-e
URL
Dirección IP: 54.166.238.61 (01bd5c8f63)
Comentario









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley