Manolo Martínez Barreiro vai ser designado xefe de gabinete de Vicepresidencia. Até agora era coordinador editorial de Acordar, aínda que lendo a noticia tal e como a saca Vieiros calquera diría que Manolo Barreiro só estivo nesa empresa de paso. Eu con el coincidín moi poucas veces; un café despois dunha mañá manifeirante, na véspera de que abrollase a primavera, e un traslado en barco para cruzar a ría, así que eu lembre. Pero da miña limitada experiencia o que si podo asegurar é que Manolo Barreiro é unha persoa que transmite amabilidade e confianza, até deixarche convencido de que en efecto é tan bo como parece. Que falen del con máis rigor os que máis o coñecen; a min por hoxe chégame con dicir que considero moi atinado o seu nomeamento. ¶