caderno dun rencoroso enfermo de cinefilia
Inicio > Historias > Extrarradio, 6 de Maio
> Extrarradio, 6 de Maio <

No día da estrea masiva de Misión Imposible III no Extrarradio falaremos dun bonito filme arxentino que merece unha oportunidade, El Cielito, pero sobre todo da película máis estúpida que eu lembro ter visto en anos, What the bleep do we know?, idiotizante lixo new-age con apariencia de documental, ideal para seguidores de Iker Jiménez. E para sacudirnos a caspa da pseudociencia, unha conversa con Óscar Blanco, presidente da Agrupación Astronómica Io, en directo desde unha das carpas montadas no Parque de Santa Margarita da Coruña con motivo do Día da Ciencia na Rúa; ou de como compartir o interese polas estrelas do cine e as do firmamento.

2006-05-06, 10:12 | 10 comentarios

Referencias (TrackBacks)

URL de trackback de esta historia http://pawley.blogalia.com//trackbacks/39706

Comentarios

1
De: Mifune Fecha: 2006-05-06 12:36

Hoy estoy escuchando el programa, eh? (estoy flipando con los anuncios, hay uno que advertía "antes de participar en este evento ha de saber que está organizado por la Consejería de tal y cual...", joder, que ya no está el Fragasaurio, ya no hace falta alertar xD).

"El Cielito" la viste en Donosti, no? O me estoy liando con otra...



2
De: eu Fecha: 2006-05-06 12:57

Eii... eu tm estou escoitando!!! :D



3
De: besbellinha Fecha: 2006-05-06 15:14

Prometo erguerme o sábado que ven cedo, cando me dou conta xa pasou o programa. Pawley avise cando abra a libraría Azeta, que lle teño ganas :).
Saúdos.



4
De: Martin Pawley Fecha: 2006-05-06 16:09

El cielito vímola en Donosti, pero non o ano pasado, senón o anterior. Non é ningunha obra mestra, pero paga a pena. Entre unhas cousas e outras, supoño que o bebé que co-protagoniza o filme debe estar xa a punto para a Primeira Comuñón...

eu, agradézolle o esforzo de ter madrugado esta vez ;-)

besbellinha, cedo cedo non fai falta erguerse, que o programa comeza ás once :-) (e a miña sección ás 12:45, que é unha hora estupenda para estar esperto tomando o vermú). A libraría Azeta leva aberta dez anos e alí segue; o que está agora é en proceso de expansión, estendéndose polo local que está a carón. Empezaron hai pouco a obra, que estará acabada dentro dunhas semanas. Haberá que inaugurala debidamente; aporten ideas, se queren, e eu encárgome de transmitirllas a O'Suso. A miña primeira suxestión: un concerto de música brasileira, que malo será que non deamos con alguén disposto a tocar unhas pezas. E algunha presentación libresca.



5
De: mourullo Fecha: 2006-05-06 23:44

Vaia, tróuxome recordos de cando botei unha man no penúltimo eclipse nese mesmo Parque de Santa Margarita, ante a demanda de colaboración ao público presente que fixo outro interesado polo firmamento. E que ben o pasei ese rato de proxección con lentes na cartulina!



6
De: leco Fecha: 2006-05-07 18:02

Irrupción informativa: Se non hai nada que o impida partimos mañá cos 6º de separación. Hai unha notiña no blog e varios comentarios sobre como fican as cousas finalmente.
Bks



7
De: Martin Pawley Fecha: 2006-05-08 00:31

mourullo, o seu comentario 5 déixame algo descolocado, en especial pola ligazón ao mestre (aínda que só sexa porque non estaba alí no parque)...



8
De: mourullo Fecha: 2006-05-08 00:46

Ou tivo/ten un dobre ou ilusións ópticas miñas nese mes de outubro. Non descarte ningunha das dúas posibilidades. E volva a colocarse, por favor. ;-)



9
De: Martin Pawley Fecha: 2006-05-08 01:17

Eu si estaba, si. O que non estaba era o mestre. Así que sigo descolocado :-)



10
De: mourullo Fecha: 2006-05-08 07:32

Eps, esquecinme do suxeito: o mestre era o que tivo/ten un dobre. A ver se o que acaba descolocado son eu. :-)



Nombre
Correo-e
URL
Dirección IP: 54.80.26.116 (a1571124f6)
Comentario









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley