caderno dun rencoroso enfermo de cinefilia
Inicio > Historias > A miña quiniela para os Oscars
> A miña quiniela para os Oscars <

Mellor filme: Brokeback Mountain, de Ang Lee. Calquera outro resultado sería un sorpresón, aínda que un triunfo dese Good night, and good luck de George Clooney non me molestaría nadiña.
Mellor director: Ang Lee, claro.
Mellor actor: Parece inevitábel que gañe Philip Seymour Hoffman por Capote. Eu votaría por David Strathairn, mesmo aínda que non vira o seu colosal traballo na película, entre outras razóns porque se trata dun dos mellores actores do mundo.
Mellor actriz: Eduardo Herrero, a inmensa maioría dos académicos de Hollywood e máis eu sabemos que vai gañar Reese Whiterspoon, unha actriz para a cal teño reservado un pequeno espazo no meu corazón desde os días da maxistral Election.
Mellor actor de reparto: podería ser Paul Giamatti, compensándoo por Cinderella Man da súa inexplicábel ausencia o ano pasado na lista de candidatos polo seu magnífico papel en Sideways; pero penso que será o George Clooney de Syriana quen leve como actor o recoñecemento que non lle poderán facer como director e guionista.
Mellor actriz de reparto: todas as previsións apuntan a Rachel Weisz, pero eu aposto pola Catherine Keener de Capote, a perfecta combinación de elegancia e espírito indie.
Mellor película estranxeira: Eu elixiría Paradise now, pero Sophie Schöll ten todos os elementos para ser a gañadora. Atención á sudafricana Tsotsi, da que algúns levan falando como favorita desde hai moitos meses.
Mellor guión orixinal: o de Crash, moi ao meu pesar. Oxalá tiveran un momento de lucidez e premiaran a George Clooney e Grant Heslov. Oxalá tiveran un momento de aínda maior lucidez e premiaran a Woody Allen.
Mellor guión adaptado: Larry MacMurtry e Diana Ossama, por suposto.
Mellor banda sonora orixinal: Alberto Iglesias, dito sexa con tres cojones.

Lista completa de nominados, aquí

2006-03-04, 22:04 | 8 comentarios

Referencias (TrackBacks)

URL de trackback de esta historia http://pawley.blogalia.com//trackbacks/37950

Comentarios

1
De: mourullo Fecha: 2006-03-04 22:11

Boto de menos os seus candidatos para maquillaxe, son, montaxe, etc etc.



2
De: Martin Pawley Fecha: 2006-03-04 22:35

Veña, mourullo, aí van:

Mellor dirección artística: Posibelmente as Memorias dunha Geisha, pero eu fico con Good night, and good luck. Hai moito tempo que non viamos un filme tan ben ambientado.
Mellor fotografía: Confío en que para os Oscars esquezan a Geisha (premiada polos fotógrafos) e opten polo labor de Robert Elswit en Good night, and good luck.
Mellor vestuario: a Geisha. Quizá Charlie e a fábrica de chiculate.
Mellor montaxe: gañará a paifocada esa de Crash.
Mellor maquillaxe: As Crónicas de Narnia. O grande éxito comercial do final de ano ten que verse recompensado pola industria. Levará algún(s) premio(s) técnicos.
Mellor canción: calquera delas é mala dabondo para gañar, seguindo a tradición dos últimos anos. Dolly Parton é o nome máis célebre dos candidatos, así que...
Mellor mestura de son: Narnia, por dicir un.
Mellor edición de son: King Kong, para que saia no DVD a frase promocional "gañadora dun Oscar da academia..."
Mellores efectos visuais: King Kong ou Narnia, aplicando os criterios citados en liñas anteriores.
Mellor documental: non hai collóns a darllo ao Pesadelo de Darwin. Os pingüíns? Enron? O certo é que os académicos que se prestan a ver estas películas non soen mirar moito máis alá dos U.S.A...

Mañá cóntolle algo sobre as curtametraxes, se lle parece.



3
De: ElPez Fecha: 2006-03-04 23:51

Mis predicciones (que siempre van mal del todo, pero que suelen pasar por elegir lo que yo no votaría...):

Mejor película: Crash (la mercadotecnia habrá demostrado que puede funcionar la cosa), yo votaría a Buenas noches y buena suerte, pero...
Mejor director: ¿no suelen ir juntos? Pues no, esta vez se la darán a Clooney, que es de la casa (y que lo merece conste, aunque Ang Lee sería más adecuado)
Mejor actor: Heath Ledger (demasiado calentón con el chico como para no darle un premio)
Mejor actriz: la Witherspoon, seguro.
Mejor actor secundario: Matt Dillon
Mejor acrtiz secundaria: Rachel Weisz
Mejor guión original: Buenas noches y buena suerte
Mejor guión adaptado: Brokeback mountain

del resto ni me atrevo a conjeturar.



4
De: Martin Pawley Fecha: 2006-03-04 23:59

Que lle pareceu Crash, Pez? (A min un auténtico bluff, un filme pretencioso, de intencións desmedidas)



5
De: Anónimo Fecha: 2006-03-05 00:31

Me pareció un coñazo, Pawley. Desde luego, mi corazoncito se divide entre Good Night... y Brokeback (quizá más por la primera)



6
De: Martin Pawley Fecha: 2006-03-05 00:36

Concordo con você. A Vendell, porén, Good night, and good luck deixouno un chisco frío.



7
De: mourullo Fecha: 2006-03-05 17:21

Un aperitivo antes da festa: a opinión de Gore Vidal sobre Brokeback Mountain, Capote e Match Point.



8
De: Martin Pawley Fecha: 2006-03-05 17:32

Vaia, non sabía que Gore Vidal tamén blogueaba!



Nombre
Correo-e
URL
Dirección IP: 54.211.79.150 (3c89e56345)
Comentario









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley