caderno dun rencoroso enfermo de cinefilia
Inicio > Historias > Julián Marías (1914-2005)
> Julián Marías (1914-2005) <

Todos os venres, de neno, paraba un pouco no quiosco de Manolo, nese punto xusto onde a rúa da Gaiteira deixa de ser a rúa da Gaiteira. Manolo era algo rojo, algo republicano e sobre todo algo ancián, así que aproveitaba para contarme historias da súa xuventude, anécdotas quizá reais do seu paso pola División Azul, que para el, como para Berlanga, resultaba a mellor opción coa que entreter o seu obrigado paso polo exército franquista. Eu paraba os venres pola tarde para mercar o Blanco y Negro, o suplemento do ABC que daquela -era o século pasado, compréndanme- aínda podía venderse solto, por oito pesos ou cousa semellante. No Blanco y Negro saían os divertidísimos artigos de Terenci Moix da serie Mis inmortales del cine, logo recollida en diversos volumes, corrixida e aumentada. O propio Terenci escribiría máis tarde unha memorábel historia do cine por fascículos para ese mesmo medio, unha obra gozosa que deitaba cinefilia por todas as súas páxinas mesturando o ensaio sisudo ao xeito André Bazin co seu inequívoco gusto polo kitsch.

Nas primeiras páxinas do Blanco y Negro aparecían críticas escritas por tres ilustres membros da Real Academia da Lengua: Manuel Alvar, que se ocupaba de libros que eu xamais lerei; Lázaro Cárreter, que falaba de estreas teatrais que ficaban a seis centos kilómetros de distancia, pero que así e todo parecíame imprescindíbel; e Julián Marías, que escribía sobre cine. Non fai falta que lles diga quen era o meu preferido.

Julián Marías morreu en Madrid aos 91 anos. Era un afeccionado doutra época, alguén ao cal certos estilos e temas chegábanlle seguramente xa moi tarde. Da súa traxetoria como filósofo e escritor, que para min é totalmente allea, falarán dabondo todos os xornais; o que quería facer hoxe desde este blog é ofrecer unha pequena homenaxe a unha persoa que quedará sempre asociada a aquela etapa da miña vida na que despertaba os sábados a horas indecentes para ver na televisión xoias como Os amantes crucificados de Mizoguchi, mentres a miña nai, unha santa, erguíase á súa vez da cama para traerme un cola-cao e unhas galletas.

2005-12-16, 03:08 | 12 comentarios

Referencias (TrackBacks)

URL de trackback de esta historia http://pawley.blogalia.com//trackbacks/35702

Comentarios

1
De: Edu Fecha: 2005-12-16 10:02

¡Belísima persoa!

(a nai de vostede, digo)



2
De: Rial Fecha: 2005-12-16 10:31


Si, temos sorte. Eu paso por aqui por ver a carteleira, sobre todo para a fin de semana.



3
De: Martin Pawley Fecha: 2005-12-16 11:20

Pois paréceme que despois da chegada do gorila o pasado mércores, hoxe venres escasean as novidades.



4
De: Rial Fecha: 2005-12-16 12:55


Tampouco fan falla novidades, oh. Que xa imos vellos... Algunha boa pelicula, se se pode...



5
De: Martin Pawley Fecha: 2005-12-16 21:40

Pois probe no CGAI con "L'intrus", de Claire Denis. Eu non a verei até o luns, pero si podo dicirlle que lle estou collendo moito gusto ao cine desta dama francesa.



6
De: a Fecha: 2005-12-18 00:33

As últimas que vin: 400 golpes e Oliver Twist. A última en carteleira ainda; e de Trufó(non sei como se escribe) está un ciclo no forum. Por certo vaia diferencia entre as salas do palexco e a do forum (entre programas tamén)



7
De: Martin Pawley Fecha: 2005-12-18 00:44

As salas do Fórum son terríbeis...



8
De: a Fecha: 2005-12-18 00:48

E as do palexco cheiran raro.
911



9
De: Martin Pawley Fecha: 2005-12-18 01:09

911 que?

Veña, poña URL, faga o favor.



10
De: a Fecha: 2005-12-18 01:29

outro día



11
De: Martin Pawley Fecha: 2005-12-18 01:40

Facéndonos de rogar, non si?



12
De: a Fecha: 2005-12-18 23:41

si



Nombre
Correo-e
URL
Dirección IP: 54.225.16.10 (f23115c6d6)
Comentario
¿Cuánto es: mil + uno?









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley