caderno dun rencoroso enfermo de cinefilia
Inicio > Historias > Un día histórico
> Un día histórico <

Unha ampla maioría parlamentaria (todos os partidos agás o PP e CiU) aprobou esta mañá a lei que permite o casamento entre persoas do mesmo sexo. Os deputados que votaron si representan a mais de catorce millóns de votantes, unha cifra que supera en catro millóns o respaldo eleitoral do PP e de CiU, esa dereita tan cristiá coa cal de cando e cando o BNG gosta de exhibirse en público.

Supoño que o de hoxe é un día histórico. Así é, con certeza, pero persoalmente a igualdade de dereitos entre as parellas homosexuais e as heterosexuais paréceme unha idea tan elemental, tan absolutamente elemental, que no fondo o que sinto é unha profunda vergoña por termos tardado tanto en facela oficial, da mesma maneira que me avergoña o feito de que aquí mesmo e hai só unhas poucas décadas as mulleres non puideran moverse libremente sen permiso dos seus maridos ou de que cara a metade do pasado século nun país que temos por berce da democracia os bares tiveran aseos separados para os cidadáns de pel escura.

É fermoso ver, contodo, que o mundo se move.

2005-06-30, 19:09 | 3 comentarios

Referencias (TrackBacks)

URL de trackback de esta historia http://pawley.blogalia.com//trackbacks/31282

Comentarios

1
De: Martin Pawley Fecha: 2005-06-30 19:41

Por certo, recoméndolles que escoiten cando teñan ocasión o consultorio sexolóxico do programa das tardes da COPE; todos os xoves, creo. O de Cristina, mujer-mujer.



2
De: Pedro Lemos Fecha: 2005-07-01 06:02

Parabéns, Martin! Parabéns aos espanhóis por trincarem essa casca de brutalidade e insensatez que envolve o planeta e permitirem, com esse gesto, que o vento da razão possa varrer para longe essas injustiças rançosas e que a árvore do amor possa finalmente florescer em todas as campinas do mundo.



3
De: Martin Pawley Fecha: 2005-07-01 09:38

Hehehe, Pedro... cando fala da "casca de brutalidade e insensatez", refírese você ao noso ex-presidente Fragagá? ;-)

Moi perto de aquí, alá en Minho Sur, hai un par de blogs emprendendo unha campaña a prol dunha reforma legal que permita o casamento entre persoas do mesmo sexo. Poden lelo no Renas e Veados e no Random Precision.



Nombre
Correo-e
URL
Dirección IP: 23.20.225.97 (89e00f6a88)
Comentario









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley