caderno dun rencoroso enfermo de cinefilia
Inicio > Historias > Mais ideas, menos consignas
> Mais ideas, menos consignas <

Contra a exhibición impúdica de españolismo rancio vou camiño do Castrillón, a pasear un pouco as miñas convicións inxenuas e infantís, aquelas que me din que baixo o ruído dos tanques e os efe-dezaoitos non parece fácil construír a paz. A miña participación manifeirante dura dez minutos, os xustos para escoitar os tradicionais berros de antiespañolismo pasmón e primario, palabras ferintes baseadas en verdades reveladas que só están ao alcance dos que pertencen á secta. Uns e outros, en extremos opostos da cidade, vestidos con uniformes diferentes e armados de bandeiras diferentes, amosan no fondo unha mesma mentalidade, tribal e manola, mais dotada para a consigna repetida a xeito de mantra que para o pensamento libre e luminoso.

Estes non son días estranhos, abofé. Son días de ilusión e de esperanza, días de falarmos de creatividade, de mobilización e de futuro. Dun país novo que deixou de laiarse porque como di un amigo xa chorou dabondo Rosalía por todos nós. É o país dos do si, un país que non se resigna a converterse nun parque temático de símbolos e defuntos e que mira para si mesmo con verdadeiro orgullo cidadán. Un país que pensa que o 19 do xuño non é un final, senón que por riba de todo, e aconteza o que aconteza, é un principio. Ese é o meu país, o único que quero, e tanto me ten que forma ha de ter no mapa.

2005-05-29, 20:38 | 18 comentarios

Referencias (TrackBacks)

URL de trackback de esta historia http://pawley.blogalia.com//trackbacks/30194

Comentarios

1
De: Martin Pawley Fecha: 2005-05-29 20:48

E lean tamén, se é que aínda non o fixeron, o que nos di Sanantón do Castelo.



2
De: Vendell Fecha: 2005-05-30 00:10

Esta tarde pasei por onde pasaran os desfilantes unhas horas antes, á beira do mar, baixo a bandeira. Gustáronme os buracos excavados na area da praia polos comandos, e tamén un par de bandeiras colgadas en balcóns: a de Portugal e outra rosa-laranxa-rosa, se cadra a española pasada pola lavadora.



3
De: Martin Pawley Fecha: 2005-05-30 00:50

O peor de todo é que esa bandeira enorme vai ficar aí, según conta A Coz. E na base as enseñas das 17 comunidades autónomas... Como se non tiveramos xa dabondo coa contaminación lumínica das farolas, agora tamén contaminación estética!



4
De: Anónimo Fecha: 2005-05-30 00:55

Que a vixilen ben vixiada, Mr. Pawley, que o San Xoán chega axiña e hai moita necesidade de combustible ;-)



5
De: Martin Pawley Fecha: 2005-05-30 01:06

Si, iso xa o pensei eu... A bandeira vai ser un entretemento da mocidade nas noites de fin de semana, como o de arrincarlle o nariz á estatua de Cunqueiro da Praza do Humor ou o que lle fan en Oviedo ás gafas de Woody Allen.



6
De: Jaio la espía anarquista Fecha: 2005-05-30 01:29

Que digo yo que qué hace usted aún des`pierto si es su cumpleaños y ya va teniendo una edad que...

Felicidades, no obstante.



7
De: Martin Pawley Fecha: 2005-05-30 01:44

Estaba agardando polos seus parabéns, Jaio. :-)



8
De: Vendell Fecha: 2005-05-30 09:19

¿Cumpleanos? ¡Parabéns!



9
De: siloam Fecha: 2005-05-30 11:20

oh, outro aereo de zodíaco coma mín:P; PARABÉNS.
O ambiente está ilusionado, qué sí.
bicos.



10
De: peke Fecha: 2005-05-30 14:38

¡Parabéns, Martin! Atrasados, pero parabéns.



11
De: IaRRoVaWo Fecha: 2005-05-30 16:29

Non teño claro se é hoxe ou foi onte... de todas formas: Parabéns!

:P



12
De: paleón Fecha: 2005-05-30 22:08

Concordo, a partir do 19 será o principio de algo que limpará as bágoas rosalianas que levamos colgadas como un san Benito.
Súmome aos parabéns!



13
De: Paco Penas de Dorvisou Fecha: 2005-05-31 00:21

Hoxe si que o vexo positivo. Gustoume a súa mensaxe. ¡Votariao e todo!
Espero que non sexan os eflúvios do licor de café.
¡Felicidades!¡Oxalá cumpra vostede tantos como a momia!



14
De: opaco Fecha: 2005-05-31 01:46

Parabéns! Chego a tempo? licor café, onde? ;-)



15
De: Martin Pawley Fecha: 2005-05-31 01:51

Chegan a tempo, chegan a tempo. O día 30 é o mellor día para os parabéns, pero admítense tamén o día seguinte e o anterior, que é cando un empeza a recoller presentes. Grazas, pois, Vendell, peke, IaRRo, paleón, Paco e opaco. Siloam, sorpréndeme iso de ser "outro aéreo do zodiaco": acaso os touros voan? :-)

A celebración gorda deixámola para o día 19 de xuño, a iso das nove e media ou así.



16
De: Martin Pawley Fecha: 2005-05-31 01:53

E licor café hai, hai. Seica vai vir en poucos días Paco Penas por Dorvisou, así que pode ser un bon momento para abrirmos unha botella.



17
De: EMF Fecha: 2005-05-31 17:21

Agardem ao 20 de Junho, e brindamos tod@s ;-)



18
De: MH Fecha: 2005-06-02 09:13

Me sumo a los parabens y zorionaks y japiberdis. Retrasado pero --como diría Peke-- ¡qué carafio!-- más vale tarde que nunca.



Nombre
Correo-e
URL
Dirección IP: 54.196.18.46 (9ac191d804)
Comentario









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley