caderno dun rencoroso enfermo de cinefilia
Inicio > Historias > Jon Stewart
> Jon Stewart <

Descubrín a Jon Stewart e o seu Daily Show lendo ao melhor blogueiro ao sur do Minho, para quen o programa acabou por convertirse nun referente imprescindível. Cheo de humor intelixente e livre, o Daily Show repasa con demoledora ironía noticias de actualidade e oferece reportaxes inventadas que parodian situacións ben reconhecíveis, proporcionando ao espectador un feixe de momentos hilariantes. O tratamento que deron do cónclave e a eleición de Benedicto XVI como novo pontífice é verdadeiramente memorável; antonte escachei coa risa ao escoitar a Jon Stewart recordando que Ratzinger era un alemán que trabalhaba en Italia e que cando alemáns e italianos colaboraban xuntos "non había nada que temer", piada precedida dunha formidável montaxe ao estilo Michael Moore que recolhía a confusión de algúns medios informativos sobre a cor da fumata que anunciaba a decisión dos cardenais. Especialmente contundentes foron as sarcásticas palavras dirixidas á Fox News por mor do insólito entusiasmo que alí exibiron cara os acontecementos vaticanos, até o ponto de teren inserido o titular We have a Pope!, escrito así, con signo de admiración, feito que lhe leva a Stewart a dicir que a Fox xa é oficialmente "unha diócese".

En España a cadena Paramount Comedy emite o Daily Show, Global Edition os sábados e domingos ás 14:00, ás 23:30 ou ás 2:30, como prefiran. Os usuarios de R temos este canal en promoción (é dicir, de balde) até o mes de xunho, así que poden aproveitar a ocasión para velo pola pantalha da televisión en vez de pola do ordenador a través de Internet.

El e mailo seu amplo equipo de guionistas están detrás deste livro, America: A Citizen's Guide to Democracy Inaction, que ardo en desexos de ler e que foi un grande éxito de ventas nos Iunaited Esteits o pasado ano. Stewart é autor tamén de Naked Pictures of Famous People, que dispón dunha moi apetecível edición portuguesa, Nus de Pessoas Famosas.

Pero se queren ficar definitivamente enganchados a este monstro da televisión, un home que a diferenza do que se leva en España permite e procura que os seus convidados non parezan parvos, véxano en acción nun programa da competencia, no Crossfire da CNN, un falso debate liderado por dous comentaristas políticos, Paul Begala e Tucker Carlson, que se distinguen basicamente porque un é mais conservador que o outro. Tenhen a transcrición de todo o que pasou neste enderezo: un enfrontamento ácido e valente do que sae vencedor por K.O. un xenio do humor que nos regala a cotío frases como esta:

If the events of September 11, 2001, have proven anything, it's that the terrorists can attack us, but they can't take away what makes us American - our freedom, our liberty, our civil rights. No, only Attorney General John Ashcroft can do that

2005-05-03, 01:47 | 7 comentarios

Referencias (TrackBacks)

URL de trackback de esta historia http://pawley.blogalia.com//trackbacks/29370

Comentarios

1
De: Martin Pawley Fecha: 2005-05-03 02:38

Ou sexa,

Se os sucesos do 11 de setembro do 2001 probaron algo foi que os terroristas poden atacarnos, pero eles non poderán quitarnos o que nos fai americanos- a nosa liberdade, os nosos dereitos civís. Non, só o Fiscal Xeral John Ashcroft pode facer iso.



2
De: monstro horrendo Fecha: 2005-05-03 11:10

Muito me orgulho de te ter apresentado o Jon Stewart, amigo galego. :-]



3
De: Richi Fecha: 2005-05-03 13:37

Este tío es un monstruo. Irónico, sutil y lo más importante: simpático.
Por cierto, Pawley, no me funciona el link a la transcripción de Crossfire. Bueno, me funciona, pero me sale una página en blanco...

talogo



4
De: Martin Pawley Fecha: 2005-05-04 03:11

monstro horrendo, e ben que lho agradezo eu, ténhao seguro. Leu você algún dos livros, en especial o America...?

Richi, probe de novo porque a min sáeme sen problemas.

Jon Stewart é un fenómeno, e o Daily Show unha permanente mostra de humor coidadísimo e esixente. En fin, tamén hai quen considera xenial ao Neng de Castelfa. Hai xente para todo, xa saben.



5
De: Vendell Fecha: 2005-05-04 20:47

Buenafuente é máis light en apariencia, pero só porque é capaz de facermos sentir cómodos dentro da súa rebelión.



6
De: Martin Pawley Fecha: 2005-05-09 00:40

Un dos colaboradores habituais do Daily show, Stephen Colbert, vai ter programa proprio alá para o outono: The Colbert Report.



7
De: carla de elsinore Fecha: 2005-05-13 04:32

caro martin, estamos outra vez em sintonia (por cá temos dose diária de JS).

p.s. e no entanto...eu gosto de relógios. ;-)



Nombre
Correo-e
URL
Dirección IP: 54.162.236.133 (cb759b668d)
Comentario









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley