caderno dun rencoroso enfermo de cinefilia
Inicio > Historias > Na Solaina de Piloño
> Na Solaina de Piloño <



Pasei un sábado inesquecível na Solaina de Piloño, en Vila de Cruces, no corazón da Galiza.



A Solaina é moitas cousas a un tempo. É un museo, pero tamén é un lugar que acolhe periodicamente obradoiros de creación artística e literaria, e en xeral toda clase de actos culturais. Naceu da imaxinación e o esforzo de Paco Lareo, un artista con talento e por riba de todo un home encantador, con quen tiven o pracer de compartir xantar e conversa.



A Solaina foi en tempos unha forxa. Agora alí nacen obras de arte que baixo o sol dos días luminosos resultan especialmente fermosas.



Eu gostei moito desta, pero era grande de mais como para levala comigo no tren.



A Solaina sorpréndenos en calquera dos seus recunchos. Por todas partes hai algo no que reparar, e así é que unha mesa pode ter pernas en vez de patas.



Boa parte do trabalho de Paco Lareo nace aquí, neste lugar maravilhosamente cheo de ideas e de obxectos.



Nese talher é onde se fabrican as cores.



A iso das dúas, mentres os nosos anfitrións acababan de preparar un glorioso polbo á feira, empezamos a dar conta da empanada. De bacalhau, por certo. Boísima.



E o polbo... Que me din do polbo?



O animoso xantar foi regado con bos vinhos do país (Albarinho e Mencía) e prolongouse logo con café e licores. A conversa foi como sucede sempre que un está en boa companha: longa e lúcida. Ademais dos anfitrións da Solaina, Paco Penas, que alí séntese como en casa, e o Snob Neurótico.



Non podía saír de alí sen pedirlhe ao Paco que improvisase un debuxo para eu levar como lembranza do meu paso pola Solaina. E como el é un artista xeneroso, fíxomo.


2004-06-14, 01:00 | 0 comentarios

Referencias (TrackBacks)

URL de trackback de esta historia http://pawley.blogalia.com//trackbacks/19474

Comentarios

Nombre
Correo-e
URL
Dirección IP: 54.225.19.255 (799359e1dd)
Comentario









os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley